2025 ވަނަ އަހަރުގެ އެކްޝަން ޕްލޭން އެކުލަވާލުމަށް މަޝްވަރާ ބައްދަލުވުމެއް ބާއްވައިފި
ގއ. އަތޮޅު ކައުންސިލުން އެކުލަވާލަންޖެހޭ 2025 ވަނަ އަހަރުގެ އެކްޝަން ޕްލޭން އެކުލަވާލުމަށް އަތޮޅު ލެވެލްގައި މަސައްކަތްކުރާ ސެކްޓަރ ތަކުގެ ވެރިންނާއިއެކު 12 އޮގަސްޓް 2024 ގައި މަޝްވަރާ ބައްދަލުވުމެއް ބާއްވައިފި. މި ބައްދަލުވުމުގައި އަތޮޅުލެވެލްގައި ޚިދްމަތް ދެމުންދާ ހުރިހާ ސެކްޓަރ ތަކުގެ އިސްބޭފުޅުން ބައިވެރިވެ ވަޑައިގެންނެވި. އަތޮޅު ކައުންސިލްގެ ޓްރެއިނިންގ ހޯލްގައި ބޭއްވުނު މިބައްދަލުވުމުގައި އަތޮޅުގެ ރައްޔިތުންނަށް ދެމުންދާ ޚިދްމަތްތައް ފުޅާކޮށް ހަލުއި ކުރުމާއި އަތޮޅުން ލިބެންނެތް ޚިދްމަތްތައް 2025 ވަނަ އަހަރުގެ އެކްޝަންޕްލޭންގައި ހިމަނައިގެން އަތޮޅުގައި ގާއިމްކުރުމުގެ މުހިއްމު ކަމުގެ މައްޗަށް ވާހަކަދެކެވިފައިވޭ. އަތޮޅުކައުންސިލްގެ ހުރިހާ ސީނިއަރ ސްޓާފުން ބައިވެރިވި މިބައްދަލުވުމުގެ ރިޔާސަތު ބެލެހެއްޓެވީ އަތޮޅުކައުންސިލްގެ ރައީސް އަލްފާޟިލް އިބްރާހީމް ޝަހީން .