ގެމަނަފުށި ކައުންސިލްގެ އިންޓަރނަލް އޮޑިޓް ނިންމައިފި
24 ނޮވެމްބަރ 2024 ގައި ފެށި ގެމަނަފުށި ކައުންސިލްގެ އިންޓަރނަލް އޮޑިޓް މަސައްކަތް ނިންމާ އޮޑިޓުގައި ފާހަގަކުރެވުނު ކަންތައްތައް ކައުންސިލާއި ހިއްސާކުރުމުގެ ބައްދަލުވުން 28 ނޮވެމްބަރ 2024 ގައި ވަނީ ބޭއްވިފަ. ގެމަނަފުށި ކައުންސިލްގެ ޖަލްސާކުރާ މާލަމުގައި ބޭއްވުނު މިބައްދަލުވުމުގެ ރިޔާސަތު ބެލެހެއްޓެވީ ގެމަނަފުށި ކައުންސިލްގެ ރައީސް އިބްރާހީމް ނާޝިދު . މި ބައްދަލުވުމުގައި ކައުންސިލްގެ މެމްބަރުންނާއި ކައުންސިލްގެ ސީނިއަރ ސްޓާފުން ބައިވެރިވެ ވަޑައިގެންނެވި. މިބައްދަލުވުމުގައި އޮޑިޓް ޓީމުގެ ފަރާތުން އެސިސްޓެންޓް ކައުންސިލް އެގްޒެކެޓިވް މުޙައްމަދު ޙަސަން އާއި ، އެސިސްޓެންޓް ކައުންސިލް އެގްޒެކެޓިވް އަޙްމަދު ޙަސަން ދީދީ އަދި އެސިސްޓެންޓް އެސޯސިއޭޓް ކައުންސިލް އޮފިސަރ އަލީ އިބްރާހީމް ވަނީ ޓީމަށް ފާހަގަކުރެވުނު ކަންތައްތައް ބައްދަލުވުމުގައި ހިއްސާކޮށްދެއްވާފަ. މިބައްދަލުވުމުގައި އޮޑިޓް ޓީމްގެ އިސްބޭފުޅެއްގެ ހައިސިއްޔަތުން އެސިސްޓެންޓް ކައުންސިލް އެގްޒެކެޓިވް މުޙައްމަދު ހަސަން ދެއްކެވި ވާހަކަފުޅުގައި އޮޑިޓް މަސައްކަތް ހިނގަމުންދިޔަ އިރު ކައުންސިލުން ވެދެއްވި އެހީތެރިކަން ފާޙަގަކޮށް ކައުންސިލްގެ ރައީސާއި ކައުންސިލްގެ ވެރިންނަށް ޝުކުރު އަދާކުރައްވާފަ.
