އަތޮޅުކައުންސިލްގެ ވަފުދުން ރައްޔިތުންގެ މަޖިލީހުގެ ލާމަރުކަޒީ ކޮމިޓީއާއި ބައްދަލުކޮށްފި
އަތޮޅުކައުންސިލްގެ މެމްބަރުން މާލެއަށް މިހާރު ކުރައްވަމުންގެންދަވާ ރަސްމީ ދަތުރުގައި ރައްޔިތުންގެ މަޖިލީހުގެ ލާމަރުކަޒީ ކޮމިޓީއާއި 22 އޮގަސްޓް 2022 ގައި ބައްދަލުކުރައްވައިފި. ރައްޔިތުންގެ މަޖިލީހުގެ އިދާރާގައި ބޭއްވުނު މިބައްދަލުވުމުގައި އަތޮޅުކައުންސިލްގެ ފަރާތުން ކައުންސިލްގެ ރައީސްގެ އިތުރުން މެމްބަރުންނާއި ، ސެކްރެޓަރީ ޖެނެރަލް އާއި އ. ކައުންސިލް އެގްޒެކެޓިވް ބައިވެރިވެ ވަޑައިގެންނެވި. މި ބައްދަލުވުމުގައި ލާމަރުކަޒީ ޤާނޫނަށް އިސްލާޙް ހުށަހެޅިފައިވާ މިދަނޑިވަޅުގައި ޤާނޫނުގައި ހުރި ފުށުއަރާ ކަންތައްތަކާއި އަދި ކައުންސިލްތައް ހިންގުމުގައި ދިމާވާ ގޮންޖެހުންތައް ލާމަރުކަޒީ ކޮމިޓީގެ މެމްބަރުންނާއި ހިއްސާކުރެވިފައިވޭ. މީގެ އިތުރުން މިހާރު މަޖިލީހުގައި ކުރިޔަށްދާ އާރބަންޑިވެލޮޕްމެންޓް ޤާނޫނުގައި ލާމަރުކަޒީ ޤާނޫނާއި ތައާރަޒްވާ ކަމަށް ފާހަގަކުރެވިފައިވާ ކަންކަންވެސް ކޮމިޓީގެ މެމްބަރުންގެ ސަމާލުކަމަށް ގެނެވިފައިވޭ. ކޮމިޓީއާއިއެކު ބޭއްވުނު މިބައްދަލުވުމުގައި ލާމަރުކަޒީ ނިޒާމް ހަރުދަނާކޮށް މި ނިޒާމް ދެމެހެއްޓުމަށް ކޮމިޓީން ކުރަމުންދާ މަސައްކަތް ހުއްޓާނުލާ ކުރިޔަށް ގެންދަވާނެ ކަމުގައި ކޮމިޓީގެ މުޤަ
އްރިރު ވިދާޅުވެފަވޭ