އަތޮޅުކައުންސިލްގެ ވަފުދުން ބީސީސީ އާއި ބައްދަލުކޮށްފި
އަތޮޅުކައުންސިލްގެ މެމްބަރުން މާލެއަށް މިހާރު ކުރައްވަމުންގެންދަވާ ރަސްމީ ދަތުރުގައި ބިޒްނަސް ސެންޓަރ ކޯޕްރޭޝަން އާއި 25 އޮގަސްޓް 2024 ގައި ބައްދަލުކުރައްވައިފި. މިބައްދަލުކުރެއްވުމުގައި ގއ. އަތޮޅުގައި ބިޒްނަސް ސެންޓަރ ކޯޕްރޭޝަނުން ކުރައްވަމުން ގެންދަވާ މަސައްކަތް ފުޅާކުރުމާއި ، ކޯޕްރޭޝަން ހިނގަމުންދާ އިމާރާތް ވިލިނގިލީގެ އެހެންތަނަކަށް ބަދަލުކޮށް ރައްޔިތުންނާއި ވީހާވެސް ގާތުން ޚިދްމަތް ދިނުމާއިބެހޭގޮތުން ފުޅާދާއިރެއްގައި މަޝްވަރާކުރެވިފައިވޭ. ބީސީސީ އާއި އެކު ބޭއްވުނު މިބައްދަލުވުމުގައި އަތޮޅުކައުންސިލްގެ ފަރާތުން ބައިވެރިވެ ވަޑައިގެންނެވީ އަތޮޅުކައުންސިލްގެ ރައީސް އިބްރާހީމް ޝަހީން އާއި ވިލިނގިލީ ކައުންސިލްގެ ރައީސް ވިޝާލް މުޙައްމަދުގެ އިތުރުން އަތޮޅުކައުންސިލްގެ ސެކްރެޓަރީ ޖެނެރަލް މުޙައްމަދު ފަތުހީ އާއި ، އެސިސްޓެންޓް ކައުންސިލް އެގްޒެކެޓިވް މުޙައްމަދު ހަސަން އެވެ. ބިޒްނަސް ސެންޓަރ ކޯޕްރޭޝަންގެ ފަރާތުން ޑެޕިއުޓީ މެނެޖިންގ ޑިރެކްޓަރ އާއި އިސްވެރިން މިބައްދަލުވުމުގައި
ބައިވެރިވެ ވަޑައިގަންނަވާފައިވެއެވެ.