އަތޮޅުކައުންސިލްގެ ވަފުދުން ނޭޝަނަލް ޑްރަގް އެޖެންސީއާއި ބައްދަލުކުރައްވައިފި
އަތޮޅުކައުންސިލްގެ މެމްބަރުން މާލެއަށް މިހާރު ކުރައްވަމުންގެންދަވާ ރަސްމީ ދަތުރުގައި ނެޝަނަލް ޑްރަގް އެޖެންސީ އާއި 28 އޮގަސްޓް 2024 ގައި ބައްދަލުކުރައްވައިފި. މިބައްދަލުކުރެއްވުމުގައި ނޭޝަނަލް ޑްރަގް އެޖެންސީން ގއ. ވިލިނގިލީގައި ހިންގަވަމުންގެންދަވާ ޑްރައގް ރިހިބިލިޓޭޝަން ސެންޓަރ ” ދަގެނާ ” ގެ ހިންގުން ހަރުދަނާކޮށް ޚިދްމަތްތައް ފުޅާކުރުމާއިބެހޭގޮތުން މަޝްވަރާކުރެވިފައިވޭ. މީގެ އިތުރުން އަތޮޅުގެ ރަށްރަށުގައި ޑިޓޮކްސިފިކޭޝަން ޚިދްމަތް މިހާރު ދެމުންދާ ދާންދޫ ގައި ޚިދްމަތް ދިނުމުގައި ދިމާވާ ގޮންޖެހުންތަކުގެ މައުލޫމާތު އެންޑީއޭ އާއި ހިއްސާކުރެވިފައިވޭ. އަދި ވިލިނގިލީ ދަގެނާ ހިންގުން ހަރުދަނާކޮށް ޑިޓޮކްސިފިކޭޝަން ޚިދްމަތް މިހާރަށްވުރެ ފަސޭހައިން ދެވޭނެ ގޮތްތަކާއިމެދު ފުޅާދާއިރާއެއްގައި ވާހަކަ ދެކެވިފައިވެއެވެ. މި ބައްދަލުވުމުގައި އަތޮޅުކައުންސިލްގެ ވަފުދާއިއެކު ވިލިނގިލީ ދާރާގެ އިއްޒަތްތެރި މެމްބަރ އާޒިމް ޢަބްދުލް އަޒީޒް ބައިވެރިވެ ވަޑައިގެންނެވިއެވެ.
އަތޮޅުކައުންސިލްގެ ފަރާތުން ވަފުދުގެ އިސްބޭފުޅެއްގެ ގޮތުގައި ބައިވެރިވެ ވަޑައިގެންނެވީ އަތޮޅުކައުންސިލްގެ ރައީސް އަލްފާޟިލް އިބްރާހީމް ޝަހީން .
