ދާޚީލީ ސަލާމަތާއި ފަންނިއްޔާތާއި ބެހޭ ވަޒީރު އަތޮޅު ކައުންސިލާއި ބައްދަލުކުރައްވައިފި
ދާއިޚިލީ ސަލާމަތާއި ފަންނިއްޔާތާއި ބެހޭ ވަޒީރު ގއ. އަތޮޅަށް ކުރައްވަމުންގެންދަވާ ރަސްމީ ދަތުރުފުޅުގައި މިއަދު ވިލިނގިއްޔަށް ވަޑައިގެން އަތޮޅު ކައުންސިލަށް ޒިޔާރަތް ކުރައްވާ އަތޮޅުކައުންސިލާއި ބައްދަލުކުރައްވައިފި. މިބައްދަލުކުރެއްވުމުގައި އަތޮޅުކައުންސިލްގެ ރައީސްގެ އިތުރުން އަތޮޅުކައުންސިލްގެ މެމްބަރުން ކަމަށްވާ ދާންދޫ ކައުންސިލްގެ ރައީސް އަލްފާޟިލް މުޙައްމަދު އާސިފާއި ، ވިލިނގިލީ ކައުންސިލްގެ ރައީސް އަލްފާޟިލް ވިޝާލް މުޙައްމަދާއި ، އަތޮޅުކައުންސިލްގެ ސީނިއަރ ސްޓާފުން ބައިވެރިވެ ވަޑައިގެންނެވިއެވެ. ވަޒީރު އަރިހުގައި އެ ވުޒާރާގެ ސްޓޭޓް މިނިސްޓަރ ޢަބްދުލް މަޖީދު އިބްރާހީމް އާއި ، ޑެޕިއުޓީ މިނިސްޓަރ އަޙްމަދު އާލީ އާއި ޑީއެންއާރުގެ ބައެއް އިސްބޭފުޅުން ބައިވެރިވެ ވަޑައިގެންނެވި.
މިބައްދަލުވުމުގައި މިނިސްޓަރ ދެއްކެވި ވާހަކަފުޅުގައި ރައްޔިތުންނާއި ގާތުން ޚިދްމަތް ދިނުމަށް ރައީސް ވެވަޑައިގެންފައިވާ ވަޢުދު ފުއްދުމުގައި އަތޮޅުކައުންސިލުން މުހިއްމު ދައުރެއް އަދާކޮށް އިސްނެންގެވި އިސްނެންގެވުން ފާހަގަކޮށް ޝުކުރު އަދާކުރެއްވި . އަދި އައިޑީކާޑު ޕްރިންޓްކޮށް މިޚިދްމަތް އެންމެ ފުރަތަމަ ފެށިގެން މިދިޔައީ ގއ. އަތޮޅުގައިކަން ފާހަގަކުރައްވާފައިވޭ . އަދި ކުށްމަދުކުރުމަށް ކުރެވެން ހުރި މަސައްކަތްތަކާއި ، ޑްރަގުގެ މައްސަލަތައް ހައްލުކުރުން ފަދަ މުހިއްމު މައްސަލަތަކާއިމެދު ވާހަކަ ދައްކަވާފައިވޭ. އަތޮޅުކައުންސިލަށް ވަޒީރު މި ކުރެއްވި ޒިޔާރަތުގައި ކައުންސިލްގެ މެހްމާނުން ސޮއިކުރައްވާ ފޮތުގައި ވަޒީރު
ވަނީ ސޮއި ކުރައްވާފަ