ހއ. އަތޮޅަށް ކުރަމުންދާ ތަޖުރިބާ ދަތުރުގައި އަތޮޅުކައުންސިލާއި ބައްދަލުކުރުން
އަތޮޅުކައުންސިލްގެ މުވައްޒަފުން ތަޖުރިބާ ހޯދުމަށްޓަކައި ހއ. އަތޮޅަށް ކުރަމުންދާ ދަތުރުގައި ހއ. އަތޮޅުކައުންސިލާއި އެކު މިއަދު ބައްދަލުވުމެއް ބާއްވާފަ. މިބައްދަލުވުމުގައި ކައުންސިލް ހިންގަމުންދާ ގޮތާއި ހުރި ދަތިތަކާއި ، ހިންގަމުންދާ ހަރަކާތްތަކުގެ މައުލޫމާތު ހޯދާ މަޝްވަރާކޮށް ދެފަރާތުގެ ދެމެދު މައުލޫމާތު ހިއްސާކުރެވިފައިވެއެވެ. ހއ. އަތޮޅު ކައުންސިލްގެ މީޓިންގ ރޫމުގައި ބޭއްވުނު މިބައްދަލުވުމުގައި ހއ. އަތޮޅު ކައުންސިލުން ގއ. އަތޮޅުކައުންސިލަށް ހަނދާނީ ފިލައެއް އަރުވާފައިވެއެވެ. މިހަނދާނީ ފިލާ އެރުވީ ހއ. އަތޮޅު ކައުންސިލްގެ ރައީސް އަލްފާޟިލް މޫސާ ޝަފީގެވެ. އަތޮޅުކައުންސިލްގެ ފަރާތުން ފިލަޔާއި ހަވާލުވީ ނާއިބްރައީސް އަލްފާޟިލް ނާސިޙް އިބްރާހީމެވެ. އަދި ގއ. އަތޮޅުކައުންސިލުން ހއ. އަތޮޅު ކައުންސިލަށްވެސް ހަނދާނީ ފިލައެއް ވަނީ އަރުވާފައެވެ. ހއ. އަތޮޅު ކައުންސިލާއިއެކު ބޭއްވުނު ބައްދަލުވުމުގައި އެކައުންސިލްގެ ސީނިއަރ ސްޓާފުންގެ އިތުރުން ތަޖުރިބާ ދަތުރުގައި ހިމެނޭ ގއ. އަތޮޅުކައުންސިލްގެ 9 ބޭފުޅުން ބައިވެރިވެ ލައްވާފައިވޭ.
