މުވައްޒަފުންގެ ތަޖުރިބާ ދަތުރުގައި ހޯރަފުށްޓަށް ޒިޔާރަތްކޮށްފި

ގއ. އަތޮޅުކައުންސިލްގެ މުވައްޒަފުން ހއ. އަތޮޅަށް ކުރަމުންދާ ތަޖުރިބާ ދަތުރުގައި ކައުންސިލްގެ ޓީމް 02 އޮކްޓޯބަރ 2024 ގައި ހއ. ހޯރަފުށްޓަށް ޒިޔާރަތްކޮށްފި . ހޯރަފުށިން ޓީމަށް މަރުހަބާ ދެންނެވުމަށްޓަކައި ހޯރަފުށީ ކައުންސިލްގެ އިސްވެރިންނާއި މުވައްޒަފުންގެ އިތުރުން ސެކްޓަރ ތަކުގެ ވެރިން ތިއްބެވިކަންފާހަގަކުރެވޭ.  ހޯރަފުށިން ޓީމަށް ވަރަށް ހޫނު މަރުހަބާއެއް ދަންނަވާފައިވޭ . މިދަތުރުގައި ކައުންސިލްގެ ޓީމުން ހޯރަފުށީގައި ހިނގަމުންދާ ޕްރޮޖެކްޓްތަކާއި ، ރަށުގެ ތަރައްގީއަށް ކޮށްފައިވާ މަސައްކަތްތައް ބައްލަވާލައްވާފައިވޭ . ހޯރަފުށްޓަށް ކައުންސިލްގެ ޓީމުން ކުރާ މިދަތުރުގައި ހޯރަފުށީ ކައުންސިލާއި ބައްދަލުކޮށް ކައުންސިލް ހިންގަމުންދާ ގޮތާއި ، ރަށުގައި ހިނގަމުންދާ ޕޮރްޖެކްޓް ތަކާއި އެކި ދާއިރާތަކުން ކޮށްފައިވާ އަދި ކުރަންރާވާފައިވާ ކަންކަމުގެ މައުލޫމާތު ހޯދާ ކައުންސިލް ހިންގުމުގައި ދިމާވާ ދަތިތަކުގެ މައުލޫމާތު ހިއްސާކުރެވިފައިވޭ . ހޯރަފުށީ ކައުންސިލާއިއެކު ބޭއްވުނު ބައްދަލުވުމުގައި އަތޮޅުކައުންސިލްގެ ޓީމުން މިކުރި ދަތުރުގައި އެރަށުން ޓީމާއިމެދު ބެހެއްޓެވި ގާތްކަމާއި ދެއްވާފައިވާ އެހީތެރިކަން ފާހަގަކޮށް ދަތުރުގެ ހަނދާނީ ރަމްޒެއް ހޯރަފުށީ ކައުންސިލަށް އަރުވާފައިވޭ . ޓީމުގެ ފަރާތުން މި ހަނދާނީ ރަމްޒް ހޯރަފުށީ ކައުންސިލާއި ހަވާލުކޮށްދެއްވީ އަތޮޅުކައުންސިލްގެ ނާއިބްރައީސް އަލްފާޟިލް ނާސިޙް އިބްރާހީމް .