ކަނޑުހުޅުދޫ ކައުންސިލްގެ އިންޓަރނަލް އޮޑިޓް ނިންމައިފި

20 ނޮވެމްބަރ 2024 ގައި ފެށި ކަނޑުހުޅުދޫ ކައުންސިލްގެ އިންޓަރނަލް އޮޑިޓް މަސައްކަތް ނިންމާ އޮޑިޓުގައި ފާހަގަކުރެވުނު ކަންތައްތައް ކައުންސިލާއި ހިއްސާކުރުމުގެ ބައްދަލުވުން 24 ނޮވެމްބަރ 2024 ގައި ވަނީ ބޭއްވިފަ. ކަނޑުހުޚުދޫ ކައުންސިލްގެ ޖަލްސާކުރާ މާލަމުގައި ބޭއްވުނު މިބައްދަލުވުމުގެ ރިޔާސަތު ބެލެހެއްޓެވީ ކައުންސިލްގެ ނާއިބްރައީސް . މި ބައްދަލުވުމުގައި ކައުންސިލްގެ މެމްބަރުންނާއި ކައުންސިލްގެ ސީނިއަރ ސްޓާފުން ބައިވެރިވެ ވަޑައިގެންނެވި. މިބައްދަލުވުމުގައި އޮޑިޓް ޓީމުގެ ފަރާތުން އެސިސްޓެންޓް ކައުންސިލް އެގްޒެކެޓިވް މުޙައްމަދު ޙަސަން އާއި ، އަޙްމަދު ޙަސަން ދީދީ އަދި އެސިސްޓެންޓް އެސޯސިއޭޓް ކައުންސިލް އޮފިސަރ އަލީ އިބްރާހީމް ވަނީ ފާޙަގަ ކުރެވުނު ކަންތައްތައް ކައުންސިލާއި ހިއްސާކޮށްދެއްވާފަ. މިބައްދަލުވުމުގައި އޮޑިޓް ޓީމްގެ އިސްބޭފުޅެއްގެ ހައިސިއްޔަތުން އެސިސްޓެންޓް ކައުންސިލް އެގްޒެކެޓިވް މުޙައްމަދު ހަސަން ދެއްކެވި ވާހަކަފުޅުގައި އޮޑިޓް މަސައްކަތް ހިނގަމުންދިޔަ އިރު ކައުންސިލުން ވެދެއްވި އެހީތެރިކަން ފާޙަގަކޮށް ކައުންސިލްގެ ރައީސާއި އެސްޖީ އާއި އަދި ވެރިންނަށް ޝުކުރު އަދާކުރައްވާފައިވޭ. އަދި އޮޑިޓްކަންކަން ހިނގަމުންދާގޮތް އަތޮޅުކައުންސިލްގެ ރައީސް ވަރަށްގާތުން ބައްލަވަމުން ގެންދަވާފައިވާކަން ފާހަގަކޮށްޝުކުރު އަދާކުރައްވާފައިވޭ