އަތޮޅުކައުންސިލްގެ ވަފުދުން ފެނަކަ ކޯޕްރޭޝަނާއި ބައްދަލުކޮށްފި
އަތޮޅުކައުންސިލްގެ މެމްބަރުން މާލެއަށް މިހާރު ކުރައްވަމުންގެންދަވާ ރަސްމީ ދަތުރުގައި ފެނަކަ ކޯޕްރޭޝަން އާއި 25 އޮގަސްޓް 2024 ގައި ބައްދަލުކުރައްވައިފި. މިބައްދަލުކުރެއްވުމުގައި ފެނަކަ ކޯޕްރޭޝަނުން ރަށްރަށުގައި ދެމުންދާ ކަރަންޓުގެ ޚިދްމަތްތައް ފުޅާ ކުރުމާއި ފެނަކައިން ފެއްޓެވި ޕްރޮޖެކްޓްތަކުގެ ތެރެއިން މަސައްކަތް ހުއްޓިފައިވާ ޕްރޮޖެކްޓްތައް ކުރިޔަށް ނުދާތީ ކައުންސިލް ތަކުގައި ހުރި ކަންބޮޑުވުން ހިއްސާކުރުމާއި ރައްކާތެރި ބޯފެން ފޯރުކޮށްދިނުމަށް ވާރޭފެން ރައްކާކުރާ ތާނގީތައް ބެހެއްޓިފައިވާ ރަށްރަށުގައި ހުރި ތާނގީތަކުން ބޯފެން ލިބުމަށް ދަތި ދުވަސްވަރު އާންމުކޮށް ފެންލިބޭނެ އިންތިޒާމްތައް ހަމަޖެހިފައި ހުރުމުގެ މުހިއްމުކަމުގެ މައްޗަށް މިބައްދަލުވުމުގައި ވާހަކަ ދައްކާ މައުލޫމާތު ހިއްސާކުރެވިފައިވޭ. ފެނަކަ ކޯޕްރޭޝަންގެ މެނެޖިންގ ޑިރެކްޓަރާއި އިސްވެރިން ބައިވެރިވެ ވަޑައިގެންނެވި މިބައްދަލުވުމުގައި ރަށްރަށުގެ ކަރަންޓް ވިޔުގަ އަޕްގްރޭޑް ކުރުމަށް އެކުންފުނިން ކުރަމުންދާ މަސައްކަތްތަކުގެ މައުލޫމާތު ހިއްސާކޮށް ރަށްރަށުން ކަންބޮޑުވާކަމަށް ފާހަގަކޮށްފައިވާ ކަންކަން ހައްލުކުރުމުގައި އެކުންފުނިން ކުރަމުންދާ މަސައްކަތްތައްވެސް މެނޭޖްމެންޓުގެ ފަރާތުން މިބައްދަލުވުމުގައި ހިއްސާކޮށްފައިވޭ. އަތޮޅުކައުންސިލްގެ ވަފުދުގެ ފަރާތުން އިސްބޭފުޅެއްގެ ގޮތުގައި މިބައްދަލުވުމުގައި ބައިވެރިވެ ވަޑައިގެންފައި
ވަނީ އަތޮޅުކައުންސިލްގެ ނާއިބްރައީސް އަލްފާޟިލް ނާސިޙް އިބްރާހީމް.