އަތޮޅުކައުންސިލްގެ މުވައްޒަފުން އުތީމް ގަނޑުވަރަށް ޒިޔާރަތްކުރުން
ގއ. އަތޮޅުކައުންސިލްގެ މުވައްޒަފުން ހއ. އަތޮޅަށް ކުރަމުންދާ ތަޖުރިބާ ދަތުރުގައި މިއަދު ހއ. އުތީމަށް ވަޑައިގެން އުތީމް ގަނޑުވަރަށް ޒިޔާރަތްކޮށްފި. ގަނޑުވަރަށް ކުރި މި ޒިޔާރަތުގައި ގަނޑުވަރުގެ މުހިއްމު ތަންތަން ބައްލަވާ މައުލޫމާތު ހޯއްދަވާފައިވޭ. އުތީމް ގަނޑުވަރަކީ ދިވެހިންގެ ޤައުމީ ބަޠަލް އައްސުލްޠާނުލް ޣާޒީ މުޙައްމަދު ތަކުރުފާނުލް އައުޒަމް ( ބޮޑުތަކުރުފާނު ) އަދި އެ ހިތްވަރުގަދަ ބަޠަލްގެ އާއިލާ ދިރިއުޅުއްވި ގެ ކޮޅު. ގަނޑުވަރަށް ކުރި މި ޒިޔާރަތުގައި ގަނޑުވަރާއި ބެހޭ މައުލޫމާތު ހިއްސާކުރެއްވީ ގަނޑުވަރުގެ ކަންކަން ބަލަހައްޓަވާ ބޮޑުތަކުރުފާނުގެ ހަނދާނީ މަރުކަޒުގެ ކަމާއިބެހޭ މުވައްޒަފެއް . މިގޮތުން ބޮޑުތަކުރުފާނުގެ ދިރިއުޅުއްވުން ހުރިގޮތާއި އާއިލާގެ ތެރެއިން އެ ގަނޑުވަރުގައި އުޅުއްވި ބޭފުޅުންނާއި ގަނޑުވަރުގެ މުހިއްމު ތަންތަނުގެ މައުލޫމާތު ވަރަށް ރަގަޅަށް ޓީމަށް ހިއްސާ ކޮށްދެއްވާފައިވޭ.
